الثلاثاء , 25 يناير 2022
الرئيسية / مقالات / #لا_لتوطين_اللاجئين … كتائب السيسي تهاجم السوريين والمصريون يدافعون

#لا_لتوطين_اللاجئين … كتائب السيسي تهاجم السوريين والمصريون يدافعون

تصدر وسم “#لا_لتمليك_اللاجيين” (كُتبت كلمة لاجئين خطأ) قائمة الأكثر تداولاً على موقع “تويتر” في مصر، بعدما دشنته الكتائب الإلكترونية للرئيس عبد الفتاح السيسي وشاركهم المؤيدون للنظام، في إطار حملة تتجدد كل فترة ضد السوريين المعروفين بنشاطهم التجاري الذي حاز إعجاب المواطنين.

 واستندت الحملة إلى شائعات تملك السوريين شققاً في بعض مناطق القاهرة الجديدة، وقد فندها المصريون المعارضون للنظام الحالي، مغردين عبر الوسم نفسه عن عنصرية مطلقيه وكراهيتهم للأجانب تحت حجة القومية والوطنية.

وتساءلت روان: “‏ليه حد مش مصري يتساوي بيا؟ حتى لو هما بيتعبوا في شغلهم وبلا بلا ليه يمتلكوا محل أو شقة ويبقى ليهم جزء من الوطن بتاعنا! و هما أساسا وطنهم الأصلي موجود واحنا ملناش فيه حاجة! وفي الآخر مش هيعترفوا بفضلنا عليهم.. مصر للمصريين.. ‎#لا_لتمليك_اللاجيين”.

وعلق صاحب حساب “الباز أفندي”: “‏السيساوية (مؤيدو السيسي) يحسسوك أنه السوريين دول عايشين معاهم جوا بيوتهم وبيناموا معاهم على سرايرهم وبيأكلوهم ويشربوهم ويصرفوا عليهم.. عاوزين يموتوا الناس كلها وهما بس اللي يفضلوا في مصر أم الدنيا…”.

وكتب عبد الرحمن صبري: “‏هاش (وسم) بلا هدف بلا مبدأ بلا أي هدنة مع النفس.. استقيموا #لا_لتمليك_اللاجيين”.

وطالب أحمد حسن: “‏طيب أنا مش عاوز شعارات وكلام معسول.. أنا عاوز فيديوهات  وممارسات على أرض الواقع.. مثلاً رافعين شعارات معادية.. حديث ضد الدولة..كدا..

يتوثق علشان الحكومة #لا_لتمليك_اللاجيين”.

وعن تيران وصنافير قالت ضحى سامي: “‏احنا أساسا موقفنا زفت والمفروض تكون راسنا في الطين بعد اللي اتباع للسعودية والإمارات على حياة عنينا والناس قعدت تبرر للغلط في سابقة من نوعها محصلتش ولا هتحصل غير عندنا.. فبالراحة شوية! #لا_لتمليك_اللاجيين”.

وعلق إبراهيم الديب: “‏ايه الهاشتاج (الوسم) الأهبل داه وبعدين احنا كلنا أمه واحدة..  أهلا بأي حد في بلده التانية وممكن يكون هما السبب أن ربنا مباركلنا لحد دلوقتي.. ولو فى ناس متضايقة من تملك الأجانب عموما فممكن تطلع حد أقصى للتمليك.. إنما متبقاش عايش على تمليك الخلايجة وعند اخواتنا عامل فيها دكر! #لا_لتمليك_اللاجيين”.

وسخر عادل النجار من الكتائب: “‏في الهشتاج ‎#لا_لتمليك_اللاجئين.. بني آدمين عاملين ان قلبهم على البلد وفاهمين أكتر من غيرهم فشايفين التلاتة مليون سوري فلوسهم اللي من شقاهم غسيل أموال متعمد لإسقاط اقتصاد مصر.. وشايفين ان التلاتة مليون خدوا فرص عمل الشباب اللي بيكره قعدة القهاوي وبيدور ويعيني مش لاقي”.

ووصف وائل من دشن الوسم: “#لا_لتمليك_اللاجيين.. لما تبقى لاجئ في وطنك ومتقدرش تفتح بؤك وتعمل فيها مواطن على الغلابة اللاجئين”.

كما أكد إبراهيم عبد العليم: “‏مصر مفهاش لاجئين.. فيها اخواتنا من كل مكان يشرفونا ويشرفوا مصر وجودهم فيها.. حسبي الله ونعم الوكيل في كل واحد بيسيء لبلدي وبيكره اخواتنا العرب فيها. ‎#لا_لتمليك_اللاجيين”.

شاهد أيضاً

إجراءات مصرية في سيناء لتنفيذ ترتيبات وساطة غزة

شرعت مصر أخيراً في تنفيذ مجموعة من الإجراءات في سيناء متعلقة بالأوضاع في قطاع غزة …