الجمعة , 28 يناير 2022
الرئيسية / مقالات / حملة دولية لإطلاق سراح علاء عبد الفتاح ومعتقلي مصر

حملة دولية لإطلاق سراح علاء عبد الفتاح ومعتقلي مصر

أعاد مغردون مصريون التدوين عبر وسم #freeAlaa، للمطالبة بإطلاق سراح الناشط السياسي، علاء عبد الفتاح، مع وصوله لليوم الثلاثين في إضرابه عن الطعام، “معركة الأمعاء الخاوية”، احتجاجاً على استمرار حبسه بعد مرور أكثر من 45 يوماً على تاريخ آخر جلسة تجديد له، وامتلأ الوسم بالمطالبات بإطلاق سراحه هو ومن معه في سجون الرئيس عبد الفتاح السيسي، والتنديد بظروف حبسهم وعدم قانونيته.

وغردت “سارة عثمان”: “‏علاء عبد الفتاح بيكمل النهاردة ٣٠ يوم إضراب عن الطعام، علاء انظلم من كل الأنظمة اللي حكمت البلد دي، وحالياً رغم خروجه المشروط وبياته ليلاتي في القسم وبعده عن أي أنشطة اتقبض عليه تاني واتحرم من ابنه تاني. #FreeAlaa”.

وقال “صابر”: “‏‎#FreeAlaa ٣٠ يوم بدون أكل.. حياتنا لا تساوى.. عند حاكم لا يحاسب”، ودعا “مازن”: “‏يا ريت تتكلموا عن علاء المضرب عن الطعام من ٣٠ يوم. ‎#FreeAlaa”.

وعن طبيعة تغذية علاء في أثناء الإضراب، طالبت شقيقته منى سيف: “‏مياه.. ملح.. محلول جفاف.. ينسون .. حاجات بسيطة غالباً عندك في البيت، بس دي الحاجات اللي جسم علاء معتمد عليها بشكل كلي بقاله شهر وهو مضرب عن الطعام. خدوا من وقتكم ثانية، صوروا صورة فيها أي حاجة من الحاجات دي مع رسالة لعلاء. #FreeAlaa #جبنا_آخرنا”. وأضافت: “‏واحد وتلاتين يوم إضراب عن الطعام لعلاء، وأسرته مش قادرة تطمن عليه أو تدخله محلول معالجة الجفاف. #FreeAlaa”.

وكتب “أحمد عزت”: “‏٣٠ يوم إضراب كامل عن الطعام علاء بيدفع من حريته عشان حريتنا وبيدفع من صحته عشان حقوق بسيطة زي الزيارة والكتب والتواصل مع أهله.. علاء بيخوض معركة عننا كلنا. طلعوا علاء لخالد ولأهله.. علاء من حقه يبقى حر. ‎#FreeAlaa”.
وبمرارة قال “مادو”: “‏‎#FreeAlaa ٣٠ يوم مضرب عن الطعام، من غير ما أهله يعرفوا عنه أي معلومة أو يطمنوا عن حالته الصحية”.

وأوضحت “دينا علاء”: “‏علاء عبد الفتاح وغيره كتير معتقلين ظلم وبدون أي اعتبار للقانون.. علاء مضرب عن الطعام بقاله ٣٠ يوم عايش على مياه وملح ومحلول جفاف. ٥ سنين بتعدي عليه وعلى أهله وابنه من غيره. #كفايه #FreeAlaa #freeegypt”.

وأعلن عمرو: “‏أنا بعلن إضرابي عن الطعام النهاردة بما اننا احنا كده كده صايمين هانكمل بكره لحد منتصف الليل.. تضامن منى مع علاء ‎@alaa والمضربين من إخوتنا داخل سجون العسكر حاجة رمزية ولكن أتمنى أنها توصل مع نسمات الفجر تعرفه أنه دائماً عالبال. #FreeAlaa”.

كما كتب “جمال الدين سليمان”: “‏‎#FreeAlaa ٣٠ يوم مضرب عن الطعام احتجاجاً على غياب العدل في المحكمة”. وأشارت “بهيرة محمود”: “‏٣٠ يوم اضراب ‎#FreeAlaa علاء مش لوحده في غيره كتير”.

شاهد أيضاً

مصر: إعادة طالبي لجوء إريتريين قسرا

(بيروت) – قالت “هيومن رايتس ووتش” اليوم إن السلطات المصرية ترحل طالبي لجوء إريتريين، بينهم …